काठमाण्डौ । काठमाण्डौ महानगरपालिका वडा १६ कार्यलय रहेको ट्रिनीटी बचत तथा ऋण सहकारी संस्थाको १३औं वार्षिक साधारणसभा सम्पन्न भएको छ ।

संस्थाका अध्यक्ष हसन कुमार गोपालीको सभापतित्वमा सभा सम्पन्न भएको हो । कायक्रममा नमस्ते नेपाल हातेमालो सामाजिक संस्थाका अध्यक्ष जिवन राज वन्त र अभियान डिजिटल प्रा।लि नेपालका अध्यक्ष बिष्णु प्रसाद काफलेको आतिथ्यता गरेका थिए ।

सभामा अध्यक्ष गोपालिले समुदाय र सदस्यको हित हुने कार्यक्रम गरी सदस्यमा आधारित नमूना सहकारीको रुपमा छवि निर्माण गर्न सकेको बताए ।संस्थाले सदस्यहरुको सामाजिक तथा आर्थिक उत्थानका साथै विविध सामाजिक गतिविधि समेत सञ्चालन गर्दै आएको सो अवसरमा उनले जानकारी दिए ।

आ।व। २०७९।८० को कार्ययोजना प्रस्तुत गर्दै उनले शेयरपुँजी वृद्धि गर्दै जाने, कर्मचारीको क्षमता अभिवृद्धिकाल लागि पुनर्ताजगी तालिम सञ्चालन गर्ने, संस्थामा आवद्ध सदस्य एवं विभिन्न समितिमा रहेकाहरुलाई क्षमता अभिवृद्धि गर्ने, एसएमएस मोबाइल बैंकिङ लगायताका सुविधा थप गर्ने र सदस्यहरुलाई उद्यमी बनाउन उद्यमशीलता तालिम सञ्चालन गरी प्रोत्साहन गर्ने योजना रहेको गोपालिले उल्लेख गरे ।

सभामा संस्थाका सचिव दिपु खड्काले आ।व। २०७८।७९ को प्रगति प्रतिवेदन प्रस्तुत गर्दै कोभिड १९ महामारीमा पश्चात देखिएको सहकारि क्षेत्रमा समस्या व्यवस्थापन, तरलता व्यवस्थापन र ऋण लगानी सम्बन्धी अन्तरक्रीया विषयक अभिमुखीकरण कार्यक्रम सञ्चालन गरिएको बताए ।