काठमाडौं । नेकपा एकीकृत समावजवादी पार्टी सरकारमा नजाने भएको छ। पार्टी कार्यालय आलोकनगरमा बसेको पोलिटब्यूरो बैठकले तत्काल सरकारमा नजाने निष्कर्ष निकालेको हो।

बैठकमा सहभागी एक नेताले नेपालप्रेससँग भने, ‘सरकारमा तत्काल नजाने बैठकले निष्कर्ष निकालेको छ। अब विश्वासको मत २५ गते सत्ता गठबन्धनले ल्याउने नीति तथा कार्यक्रममा निर्भर रहन्छ।’

नेकपा एमालेसहित ७ दलको समर्थनमा प्रधानमन्त्री बनेका प्रचण्डले २६ गते विश्वासको मत लिदैछन्। तर, प्रचण्डसँग लामो समयसम्म सहकार्य गरेको भएकाले कतिपय नेताहरुले विश्वासको मत दिनुपर्ने सुझाव दिएका छन्।

‘अब हामी सरकारले ल्याउने कार्ययोजना हेछौँ। त्यो हाम्रो पार्टीको पक्षमा छ। हामीले स्वीकार्ने पक्षमा छ भने विश्वाससको मत दिन्छौँ’ ती नेताले भने, ‘दक्षिणपन्थी खालको छ वामपन्थीले समर्थन गर्न मिल्ने खालेको छैन भने समर्थन हुँदैन।’

स्थायी कमिटीदेखि अहिले पनि अधिकांश नेताहरुको सुझावमा नीति तथा कार्यक्रमको आधारमा समर्थन वा विरोध गर्ने भनिएको ती नेताले बताए।

अहिलेको बैठक सरकारमा आउने प्रस्ताव आएमा के गर्ने भन्नेर धारण बनाउनका लागि बोलाइएको उनको भनाइ छ।

‘पार्टीको अध्यक्ष र सम्मानित नेताहरुसहित बैठकको निष्कर्ष हो। सबैको सुझावका आधारमा अहिले सरकारमा बोलाउनासाथ नजाऔं’ उनले भने, ‘हामी समाजवादी पार्टी हौं समाजवादी उन्मुख कार्यक्रम भएमात्रै समर्थन गर्न सक्छौँ।’