एजेन्सी =दक्षिण भारतीय फिल्मकी लोकप्रिय अभिनेत्री सामन्था रुथ प्रभुका फ्यान फलोइङ विश्वभर छन् । अभिनेता नागा चैतन्यसँग डिभोर्स भएपछि एक्लिएकी सामन्था एक गम्भीर रोगबाट पीडित छिन् । यही रोगको उनी विदेशमा उपचार गराइरहेकी छन् । उनलाई छालासँग सम्बन्धित् रोग छ । जसलाई पोलीमार्फस लाइट इरप्सन भनिन्छ । यो रोग सूर्यको किरण छालामा सिधा सम्पर्कमा आए पछि लाग्छ ।यही कारण सामन्था कुनै पनि सार्वजनिक कार्यक्रममा उपस्थित भएकी छैनन् ।

अभिनेत्रीले डाक्टरको सल्लाहमा कामबाट ब्रेक लिएकी छन् । उनका फ्यानहरुले अभिनेत्रीको स्वास्थ्य लाभको कामना गरिरहेका छन् । उनी केही समयअघि नयाँ फिल्म खुशीको सुटिङमा व्यस्त थिइन् । तर यो रोगका कारण उनले सुटिङ बिचमा नैरोक्नु परेको थियो । उनी उपचारका लागि विदेश जानुपरेपछि निर्माता तथा निर्देशकले केही समयका लागि फिल्मको काम रोकेका हुन् । फिल्ममा सामन्थाका साथ विजय देवर कोण्डाको पनि अभिनय छ ।

कसरी ठगिन पुगे बलिउड चर्चित नायक सैफ अली खान यस्तो राज खोले सैफ आँफैले बलिउड सिनेमा उद्योगमा एक समयको चलेको जोडीको रुपमा रहेका थिए अभिनेता सैफ अलि खान र अभिनेत्री रानी मुखर्जी । उनीहरुको जोडीलाई धेरै लामो समयको अन्तराल पछि फेरी दर्शकले देख्न पाउने भएका छन् । एकताका चलेको जोडी लाई अब फिल्म बन्टी और बबली २ मा देखिने भएको हो । अहिले सैफ यसै फिल्मको प्रमोसनका लागि दौडधुपमा रहेका छन् ।

फिल्मको प्रमोसनका लागि उनी विभिन्न कार्यक्रमहरुमा पुगिरहेका छन् । त्यस्तै हरेक ठाउँमा सैफले नयाँ नयाँ कुराको खुलासा समेत गरिरहेका छन् । फिल्मको प्रमोसनका लागि एउटा कार्यक्रममा सैफ रानी मुखर्जीसँगै पुगेका थिए । उनले त्यहाँ निक्कै ठुलो खुलासा गरेका छन् । सैफले आफूले कमाएको ७०, प्रतिशत कमाई लुटिएको वा ठगिएको खुलासा गरेका हुन् ।