सहकारी बोर्डमा गोविन्द दुलाल
काठमाडौं । सहकारी क्षेत्रको सर्वोच्च निकायको रुपमा रहेको सहकारी बिकास बोर्डमा बाग्मती प्रदेश सरकारले लेखक एवं पत्रकार गोविन्द प्रसाद दुलाललाई नियुक्त गरेको छ । मन्त्रिपरिषद्ले २०७८ साउन २८ गतेको निर्णयअनुसार दुलाललाई नियुक्त गरेको हो ।
सहकारी ऐनमा व्यवस्था भएअनुसार भूमि व्यवस्था तथा सहकारी मन्त्री को अध्यक्षतामा गठन हुने १५ सदस्य सहकारी विकास बोर्डमा अर्थ, उद्योग, भुमिव्यवस्था तथा सहकारी र सामाजिक विकास मन्त्रालयका सचिवहरु समेत गरी दश जना पदेन सदस्य रहने व्यवस्था छ भने उपाध्यक्ष, सदस्य सचिव, दुई महिला र एक विज्ञ सदस्य गरी ५ जना मन्त्रिपरिषदद्बारा नियुक्ति गर्ने व्यवस्था छ । प्रदेश सरकारले उपाध्यक्षमा यसअघि नै नारायण देवकोटालाई नियुक्त गरिसकेको थियो भने वोर्डको विज्ञ सदस्यका रुपमा गोविन्द प्रसाद दुलाललाई नियुक्त गरेको हो ।
२०५५ सालदेखि सहकारी क्षेत्रमा आवद्ध दुलाल जनविचार पव्लिकेशन एण्ड रिसर्च सेन्टरका अध्यक्ष समेत हुन् । लामो समयदेखि पूर्व प्रधानमन्त्री टंकप्रसाद आचार्यको नाममा स्थापित संस्था “टंकप्रसाद आचार्य स्मृति प्रतिष्ठान” का सदस्य–सचिव रहेका दुलाललाई प्रदेश सरकारले गरेको नियुक्ती बाट सहकारी क्षेत्रको विकास, व्यवस्थापन र प्रवर्द्धनका क्षेत्रमा सुधार हुने अपेक्षा गर्न सकिन्छ ।