राजापुर, बर्दिया । एक युवकको हत्या आरोपमा कैलालीमा एक जना पक्राउ परेका छन् । दाङ तुलसीपुर उपमहानगरपालिका– ६ का ५१ वर्षीय महावीर चौधरी पक्राउ परेका हुन् ।

जिल्ला प्रहरी कार्यालय कैलालीका प्रहरी निरीक्षक कैलाशसिंह बिष्टका अनुसार चौधरीलाई बर्दिया र कैलाली प्रहरीको संयुक्त टोलीले कैलारी गाउँपालिका वडा नम्बर २ बाट पक्राउ गरेको हो । महावीरको साथबाट पेस्तोलसमेत बरामद गरिएको छ ।

‘पक्राउ परेका चौधरी बर्दियाको राजापुर नगरपालिका– ४ स्थित रहेको हमार थारू रेस्टुरेन्टमा भएको गोलीकाण्डका मुख्य अभियुक्त हुन्,’ प्रहरी निरीक्षक बिष्टले भने । गत आइतबार उक्त रेस्टुरेन्टमा भएको गोली प्रहारबाट दाङको तुलसीपुर– ६ का २८ वर्षीय निरज चौधरीको हत्या भएको थियो ।