कैलालीको टिकापुर नगरपालिका-२ स्थित जनशक्ति सामुदायिक वनमा मृ,त अवस्थामा पाटे बाघ फेला परेको छ । पासोमा परेको अवस्थामा पाटे बाघ मृ,त भेटिएको बर्दिया राष्ट्रिय निकुञ्जले पुष्टि गरेको छ ।

पासो थाप्ने चोरी सिकारी हुन् वा कसैले मारेको हो भन्नेबारे कैलालीको पहलवानपुरस्थित वन कार्यालयले अनुसन्धान गरिरहेको निकुञ्जका प्रमुख संरक्षण अधिकृत विष्णुप्रसाद श्रेष्ठले जानकारी दिए ।

उक्त बाघ बर्दिया निकुञ्जबाट निस्किएर सामुदायिक वनमा पुगेको थियो । पाटे बाघलाई रेडियो कलर जडान भएको स्रोतको भनाइ छ । सोमबार मृ,त अवस्थामा फेला परेको बाघ बुधबार सार्वजनिक गरिएको थियो ।

अनुसन्धान भइरहेकाले यसको कुनै हद म्याद नभएकाले चाँडै नै बाघ मारिएको घ,टना सार्वजनिक हुने निकुञ्जले जनाएको छ । बाघलाई चोटपटक लागेको अनुसन्धानमा देखिएको छ ।