‘मिसन २०८४’ मा पछि पर्दै कांग्रेस

काठमाडौं । आगामी २०८४ सालमा हुने आम निर्वाचनलाई लक्षित गर्दै दलहरुले ‘मिसन २०८४’ अभियान चलाएका छन् । गत मंसिरमा भएको निर्वाचनमा नसोचेको परिणाम ल्याएको रवि लामिछाने नेतृत्वको राष्ट्रिय स्वतन्त्र पार्टी (रास्वपा) ले सबैभन्दा पहिले ‘मिसन २०८४’ को घोषणा गरेको थियो ।
मंसिरमा भएको निर्वाचनमा उत्साहित नतिजा आएपछि रास्वपाले आगामी निर्वाचनलाई केन्द्रित हुने गरी अभियान चलाउने जनाइसकेको छ । उसले त्यस अनुसारका संगठन विस्तार पनि गर्दै आएको छ । रास्वपाले बैशाख १० गते भएको उपनिर्वाचनमा तनहुँ र चितवनमा जितेपछि थप चर्चा कमाएको छ । रास्वपाले आगामी निर्वाचनमा अरु पार्टीहरुलाई तह लगाउने र आफ्नै नेतृत्वमा सरकार बनाउने दाबी गर्दै आएको छ । अध्यक्ष लामिछानेको चर्चासँगै यो पार्टीले पाएको सफलता देखेर पुराना भनिने पार्टीहरु चकितसँगै त्रसितसमेत भएका छन् । पुराना दलहरुप्रति मानिसको आकर्षण घट्दै गरेको बेला उदाएको रास्वपाले भोलिका दिनमा आफूलाई कसरी अगाडि बढाउने भन्ने कुनै योजना बनाएको छैन । चर्चा र ह्वीमका आधारमा मात्र मत आउँछ भन्ने सोचेको यो पार्टीको लाइनचाहिँ के हो भनेर मानिसले प्रश्न गर्दै आएका छन् । रास्वपाले यो अभियान घोषणा गरेपछि देशव्यापी रुपमा संगठन विस्तारमा लागेको छ । पछिल्लो समयमा भएका रास्वपाका कार्यक्रममा मानिसको उत्साहपूर्ण उपस्थितिलाई निकै अर्थपूर्ण रुपमा हेरिएको छ ।
रास्वपाको अभियान एकातिर चलिरहेको छ भनें अर्कातिर संसदको प्रमुख प्रतिपक्षी दल नेकपा एमालेले पनि मिसन २०८४ अभियान चलाएको छ । एमालेको गतिविधि र उसका क्रियाकलापबारे मानिस जानकार भएकाले त्यो अभियानले मानिसमा देखिएको एमालेप्रतिको वितृष्णालाई अन्त्य गर्न सक्छ कि सक्दैन भन्ने प्रश्न पनि एकातिर छँदैछ । धेरैले एमाले अध्यक्ष केपी शर्मा ओली प्रधानमन्त्री हुँदा राम्रो काम गरेको भनेर चर्चा पनि गरेका छन् । कामभन्दा गफ बढी गर्ने गरेका कारण ओली त्यतिबेला पनि आलोचनामुक्त हुन सकेनन् । यो बीचमा कुनै पनि सरकारमा जान नसक्ने अवस्थामा भएको एमालेले आफ्ना कार्यकर्ता संरक्षण गर्न भनें समस्या नै छ । एमालेले सरकारले गरेका हरेक गतिविधिका बारेमा सधैं टिप्पणी गदै आएको छ । सामान्य कुरामा पनि असन्तुष्टि राख्दै संसद निरन्तर बन्द गर्ने कुरालाई उसले आफ्नो महानता सम्झे पनि जान्नेबुझ्नेले भनें यसलाई त्यति राम्रो मानेका छैनन् । एमालेको संगठन गाउँगाउँ पुगेकाले पार्टीमा संगठित भएकाले पार्टीको निर्णयको विरोधमा जाने अवस्था नभएकाले एमालेको मत दायाँबायाँ हुने सम्भावना प्रायः कमै हुन्छ । अरु पार्टीका नेता तथा कार्यकर्ताले आफ्नो पार्टीले छानेको उम्मेदवार चित्त नबुझेमा फरक पार्टीमा मतदान गर्ने गरेका छन् तर त्यो मामिलामा भनें एमालेलाई सहज भएको छ । पार्टीमा लागेका मानिसले अरुलाई सकभर मतदान नगर्नु एमालेको लागि फाइदाको विषय हो ।
नेकपा (माओवादी केन्द्र) ले पनि हिजोदेखि तीन महिने जागरण अभियान चलाएको छ । पार्टीप्रतिम मानिसको विश्वास कमजोर बन्दै गएको बेला उसले चलाएको अभियान सार्थक हुन्छ कि हुँदैन भन्नेचाहिँ हेर्न बाँकी नै छ । वडा तहसम्म पुगेर पार्टीलाई फेरि जागृत गर्ने माओवादीको अभियानलाई पार्टी अध्यक्ष पुष्पकमल दाहाल ‘प्रचण्ड’ ले हिजो एकैपटक उद्घाटन गरेका छन् । यसलाई माओवादीले विशेष रुपान्तरण अभियान भनेको छ । देशभरका ६ हजार ७४३ वडामा एकसाथ सुरु हुने ‘जनतासँग माओवादी ः विशेष रुपान्तरण अभियान’का क्रममा शीर्ष नेताहरू पनि वडावडामा पुग्ने कार्यक्रम तय भएको छ तर नेताहरु शहरमा बढी केन्द्रित भएकाले आफू खटिएको ठाउँमा जान्छन् कि जाँदैनन् भन्ने प्रश्न पनि त्यत्तिकै छ ।
अरु पार्टीहरुले मिसन २०८४ चलाइरहँदा आन्तरिक विवालमा फसेको नेपाली कांग्रेसले यसलाई केही मतलब गरेको छैन । निर्वाचनमा जस्तोसुकै परिणाम आए पनि कांग्रेसको अवस्थामा भनें कुनै परिवर्तन हुने गरेको छैन । हिजोको निर्वाचनमा ठूलो पार्टी भएर पनि सरकार बनाउन असफल भएको कांग्रेसले यसबारेमा कहिल्यै समीक्षासमेत गरेन । कांग्रेस पनि आफूलाई ठूलो र पुरानो पार्टी भएको दाबी गर्छ त्यो स्वभाविक पनि हो तर नयाँ उदाएका पार्टीले केही नयाँ भिजन ल्याउँदा पनि उनीहरु पुरानै पारामा चल्नु भनें समस्या रहेको छ ।
मधेसकेन्द्रित भनेर चिनिने पार्टीले मधेश प्रदेशबाहेक अन्य जिल्लामा प्रभुत्व जमाउन सकेका छैनन् त्यसैले उनीहरुलाई देशव्यापी राजनीति गर्नुपर्छ भन्ने सोच छैन । सधैं मधेश र मधेसी जनताको नाममा राजनीति गर्ने उनीहरु अब भनें चरम संकटमा परेका छन् । मधेशमा अन्य पार्टीको पनि जन्म भएको र छोटो समयमा नै प्रगति गरेकाले मधेश केन्द्रित भनिने दलको पनि अबको राजनीति कस्तो हुने भन्नेमा शंका छ ।
ताजा

राज्यमन्त्री तामाङको २० करोड प्रकरण छानविन गर्न भीम रावलको माग
२०८२ बैशाख १६ गते, मंगलवार
राज्यमन्त्री तामाङको २० करोड प्रकरण छानविन गर्न भीम रावलको माग
२०८२ बैशाख १६ गते, मंगलवार
शिक्षक आन्दोलन आज पनि जारी रहने
२०८२ बैशाख १६ गते, मंगलवार
लुम्बिनीका विद्युतीय सवारी प्रयोगविहित
२०८२ बैशाख १६ गते, मंगलवार
सुरु भयो जानकी जन्मोत्सव
२०८२ बैशाख १६ गते, मंगलवार
वैशाख ३१ सम्म दाउन्नेमा राति सवारी चलाउन रोक
२०८२ बैशाख १६ गते, मंगलवार
काठमाडौंमा आज राप्रपा नेपालले प्रदर्शन गर्ने
२०८२ बैशाख १५ गते, सोमबार
सबै शिक्षक र कर्मचारीलाई काठमाडौं आउन महासंघले ग¥यो अपिल
२०८२ बैशाख १५ गते, सोमबार
झडपमा परी ६३ जना शिक्षकहरू घाइते
२०८२ बैशाख १४ गते, आईतवार
ओली नेतृत्वको सरकार अहिले ढल्न हुँदैन, हामीलाई अझै गिरेको हेर्नुछः मनिष झा
२०८२ बैशाख १४ गते, आईतवार
सांसद राईलाई तीन दिन हिरासतमा राखेर अनुसन्धान गर्न अदालतको अनुमति
२०८२ बैशाख १४ गते, आईतवारलोकप्रिय

पूर्वराजाद्वारा तीनकुने घटनाप्रति दुःख व्यक्त (भिडियो सहित)
२०८१ चैत्र ३१ गते, आईतवार
गृहमन्त्री कुन नैतिकताले कुर्सीमा बस्ने ?– शिशिर खनाल
२०८१ माघ २९ गते, मंगलवार
बाढीपहिरोमा परी दुई सय ४४ जनाको मृत्यु
२०८१ आश्विन २० गते, आईतवार
भुटानले पूर्वराजा ज्ञानेन्द्रलाई दिएको सम्मानले नेपालीलाई गौरवान्वित तुल्यायोः थापा
२०८१ आश्विन १९ गते, शनिबार
‘स्वीकार’ अटिजम सन्देशमुलक म्युजिक भिडियो सार्वजानिक
२०८० चैत्र २२ गते, बिहीबार
मेरो रहरले कलाकारिता क्षेत्रमा आएकी हुँ
२०८० मंसिर २९ गते, शुक्रबार
मनसुन लम्बियोः ‘धान नकाटौं, काटेको भए भित्र्याइहालौं’
२०८० आश्विन १५ गते, सोमबार
दलाल पूँजीपति वर्ग नै हाम्रो प्रमुख शत्रु हो
२०८० भाद्र २२ गते, शुक्रबार