काठमाडौं-प्रहरी हिरासतमा रहेका सन्दीप लामिछानेले आफू विरुद्ध ब,लात्कारको आ रोप लगाएकी कि,शोरी नाबालिग नभएको दा बी गरेका छन् ।२० असोजमा पक्राउ परेका क्रिकेटर लामिछानेलाई प्रहरीले म्याद थपका लागि सोमबार जिल्ला अदालत काठमाडौंमा उपस्थित गराएको थियो । त्यसक्रममा न्यायाधीशले सन्दीपलाई घटनाबारे सोधेका थिए ।

त्यसक्रममा लामिछानेले जाहेरवालाकै आग्रहमा भेटेको र उनी ना बालिग नभएको दाबी गरेका छन् । सन्दीपका वकिल सरोजकृष्ण घिमिरेले भने । जाहेरवालीले म १९ वर्षको भएँ भनेकी इजलास समक्ष राख्नु भएको छ ।

अर्का अभिवक्ता सुधा रिजालले भने सन्दीपलाई फसाउनकै लागि ना,बालिका देखिने गरी जन्मदर्ता बनाएको दा बी गरिन् । जाहेरवालाको दुई वटा जन्मदर्ता भेटिएको भन्दै उनले भनिन् ।अहिलेको जन्मदर्तामा म्याचुअर्ड छ । उहाँ नाबा,लिग हुनुहुन्न । जो मान्छेहरुले फसाउन खोजेको छ।, त्यसले उहाँलाई परिचालन गरेको आशंका छ ।

अधिवक्ता सरोज कृष्णका अनुसार इजलासमा सन्दीपले आफ्नो गोपनीयता भंग भएको भन्दै त्यसको कानुनी उपचारबारे चासो राखेका थिए । जवाफमा न्यायाधीशले मु,द्दाका सुनुवाइका क्रममा यो विषय उठाउन सुझाएका छन् ।

अर्को पनि = चुनावपछि नागढुङ्गामुग्लिन सडक विस्तार तीव्र, कसरी हुन्छ ट्राफिक व्यवस्थापन  सरकारले ४ मंसिरको निर्वाचनपछि नागढुङ्गादेखि मुग्लिनसम्मको सडक खण्ड विस्तारको कामलाई तीव्रता दिने भएको छ । अहिले नागढुङ्गा देखि मलेखुसम्मका सडक मर्मतमा सीमित रहेको विस्तारको कामको गति चुनावपछि तीव्र पारिने सडक विभागले जनाएको छ ।

विभागका विकास सहायता महाशाखा प्रमुख रामहरि पोखरेलका अनुसार यो सडकखण्डलाई तीन भाग लगाएर विस्तार गरिनेछ । नागढुङ्गा–नौबीसे र नौबीसे–मलेखु खण्डको विस्तार गर्न ठेक्का लागेको वैशाख २०७९ मै ठेक्का लागेको थियो । यो खण्डमा अहिले ठेकदार र परमार्शदाताले सर्भेको काम गरिरहेको छ ।

पोखरेलका अनुसार मलेखुमुग्लिन खण्ड विस्तारको ठेक्काका लागि कम्पनी छनोट भएर आशयपत्र आह्वान भइसकेको छ । आशयपत्रको प्रक्रिया पूरा गरेर ठेक्का सम्झौता हुनेछ । यो खण्डको ठेक्का शर्मा जेडआईसीजी जेभीले ४ अर्ब ८० करोडमा पाउने गरी आशयपत्र जारी भइसकेको छ ।

नागढुङ्गा–नौबिसे खण्ड सुगुन र जेएमसी जेभीले १ अर्ब ३१ करोड रुपैयाँमा ठेक्का पाएको पोखरेलले बताए । नौबिसे–मलेखु खण्ड शर्मा लामा जेडआईसीजी जेभीले ५ अर्ब ३२ करोड रुपैयाँमा ठेक्का हात पारेको छ ।

नागढुङ्गा–मुग्लिन खण्डमा काम गर्नु चुनौतीपूर्ण हुने पोखरेलले बताए । उकालो सडकमा अहिले सामान्य अवस्थामै जाम हुने समस्या छ । त्यसमाथि अब सडकको दायाँ–बायाँ निर्माणको काम सुरु गरेपछि जाम बढ्नसक्ने जोखम छ ।

सकेसम्म विस्तार गर्दा भित्ता नकाट्ने, चलिरहेका लेनका सडक नभत्काउने र भत्किन नदिने योजना छ। उनले भने ।सम्भव भएसम्म पर्खाल लगाएर सडक विस्तार गर्ने योजनामा छौं ।’व्यवस्थित ढंगले सवारी र यात्रुलाई सकस नहुने ढंगबाट विस्तारको काम हुने उनले बताए । त्यसका लागि कहाँ कहाँ सडक डाइभर्ट गर्न सकिन्छ भनेर अध्ययन भइरहेको विभागले बताएको छ ।

सरकारले विश्व बैंकको आर्थिक सहयोगमा काठमाडौंको मुख्य नाका नागढुङ्गासम्माको सडक न्यूनतम् डेडिकेटेड दुई लेनको बनाउन लागेको हो । यो सडकखण्ड विस्तारपछि ठाउँ र भौगोलिक अवस्थाअनुसार कतै चार, तीन र दुई लेनको हुनेछ ।

यो खण्डको ३६ किलोमिटर खण्ड तीन लेनको हुनेछ । बस्ती र बजार क्षेत्रको सडक चार लेनको हुनेछ । बढी उकालो रहेको भागमा सवारी बिग्रँदा असर नपर्ने गरी तीन वटा लेन बनाउन लागिएको हो ।यो सडकको पुरै खण्ड चार लेनमा विस्तार गर्न खोजिएको थियो । तर, मुआब्जा अत्याधिक तिर्नुपर्ने भएपछि मुग्लिन–नारायणगढ सडकखण्डको जस्तै सडक बनाउने गरी विस्तारको काम हुन लागेको हो ।

९२ किलोमिटर लामो यो सडकखण्डका बीच–बीचमा विभिन्न बजारहरु छन् । जुन बजारमा २५ मिटरभित्रै घरसहितका संरचनाहरु पर्छन् ।मुग्लिन–नागढुङ्गा सडकमार्ग ६५ जिल्लाका यात्रु काठमाडौं प्रवेश गर्ने मुल मार्ग हो । यो खण्ड वर्षौंदेखि टालटुलका भरमा चलाइँदै आएको छ । वर्षाको समयमा यो सडक अति जीर्ण बन्न पुग्छ ।

नौबीसेमाथि नागढुङ्गासम्मको सडक पानी पर्नासाथै यो सडकमा खाल्डाखुल्डीका कारण मालसामान बोकेर आएका सवारीलाई उकालो लाग्न कठिन हुने गरेको छ । यसले गर्दा उकालोमा एउटा सवारी बिग्रिएर रोकिनासाथै लामो लाइन लागिहाल्ने समस्या छ ।उच्च रुपमा हुने सवारी आवागमनले सडक मर्मत गर्न नै कठिन हुने गरेको छ । यो मार्गमा मुख्य रुपमा बढी भार बोकेर आएका सवारीका कारण कालोपत्रे नटिक्ने समस्या हुन्छ ।

झन् गुणस्तरीय ढंगमा कालोपत्रे नगरिँदा महिना दिनमै उप्किने र भत्किने समस्या देखिने गरेको छ । सडक साँघुरो भएको र मोडहरु पनि सानो भएकाले यसै पनि यो खण्डमा सवारीलाई मुस्किल हुन्छ । दिनमा १८ देखि २० हजार सवारी आवात–जावत गर्ने सडकको अवस्था वर्षौंदेखि फेरिएको छैन ।

अहिले यात्रुबाहक तथा मालबाहक सवारीलाई त्रिशूलीको तीरैतीरबाट जोखिमपूर्ण यात्रा गर्नुपर्ने बाध्यता छ । पोखरा आउने र जाने सवारीको चाप समेत हुने भएकाले यो सडकमा सवारीको चाप मुग्लिन–नारायणगढ खण्डको भन्दा बढी हुन्छ ।

त्यसैले यो खण्ड विस्तार सुरु भएपछि काठमाडौं–आउने जाने सवारी तथा यात्रुले जाममा बस्नुपर्ने जोखिम छ । विगतमा मुग्लिन–नारायणगढ सडक खण्ड विस्तारका क्रममा पनि त्यस्तो समस्या देखिएको थियो ।

विभागका विकास सहायता महाशाखा प्रमुख पोखरेल यो खण्ड विस्तार पछि काठमाडौं आउने सवारीको सास्ती हट्ने दावी गर्छन् । ‘विस्तारको समयमा केही सास्ती हुनसक्छ,’ उनी भन्छन्,‘विस्तारपछि काठमाडौं आउने सवारी र यात्रुले भोग्ने सास्ती हट्छ ।’