‘म कामलाई हल्का रूपमा लिन्न’

२०७९ आश्विन २ गते, आईतवार

लालमणि पौडेल, सिनेमाटोग्राफर
नेपाली म्युजिक भिडियो तथा टेलिभिजन कार्यक्रमका कुशल छायाँकारका रूपमा आफूलाई स्थापित गराउन सफल छन् लालमणि पौडेल । विगत डेढ दशकदेखि यस क्षेत्रमा क्रियाशील उनले थुप्रै टेलिभिजन कार्यक्रम र म्युजिक भिडियो छायाँकन गरेका छन् । नेपाल टेलिभिजनबाट प्रत्येक शनिबार बिहान ९ बजे प्रशारण हुँदै आएको कार्यक्रम विकास र बहसमा हालसम्म क्रियाशील उनले विशेषगरी आधुनिक कृषि उत्पादन, व्यवसायिक कृषिपालन र वस्तुको विविधीकरणसम्बन्धी थुप्रै वृत्तचित्र छायाँकन गरिसकेका छन् । बुध्दभूमि न.पा. २, गोरुसिंगे, कपिलवस्तुका स्थानीय वासिन्दा लालमणि पौडेल हाल काठमाडौंलाई कर्मथलो बनाउँदै आएका छन् । अनुशासित तथा क्षमतावान छायाँकारको परिचय बनाएका लालमणि पौडेलसंग गरेको कुराकानीको अंशः

० छायाँकार कसरी बन्नुभयो ?
अध्ययनका लागि राजधानी काठमाडौं छिरियो । त्यतिबेला हाँस्य टेलिशृंखलाहरूको अत्यन्तै क्रेज थियो । हाम्रो क्षेत्रका प्रख्यात हाँस्यकलाकार तथा टेलिभिजनकर्मी शेखर खनालजी टेलिभिजन कार्यक्रम निर्माण र ‘झ्याइँ कुटी झ्याइँ’ हाँस्य शृंखला निर्माण तथा निर्देशन गर्दै हुनुहुन्थ्यो । सुरुमा हाँस्य कलाकारको रूपमा प्रवेश गरेको म यस क्षेत्रको क्रेजका कारण अन्ततः छायाँकार बन्न पुगे । अहिले पनि निरन्तर काम गर्दैछु ।
० किन छायाँकार नै बन्नु भयो त ?
टेलिभिजन कार्यक्रममा छायाँकारको राम्रो माग थियो । अर्को कुरा छायाँकारबिना कसैको काम हुन सक्दैनथ्यो । भनेजति काम र दाम पाउनेहुँदा छयाँकार बने ।
० वर्तमान अवस्था कस्तो छ छायाँकारको ?
पहिलेभन्दा अहिले क्रेज बढेको छ । मैले निरन्तर काम गरिरहेको छु । कोभिड १९ को संक्रमणका कारण केही समय अन्योलता थियो । तर पछि विस्तारै हामी फर्ममा आइसकेका छौ । राम्रो काम गर्नेहरूको जहाँ पनि माग हुने गरेको छ । म आफूले प्राप्त गरेको जिम्मेवारीलाई कुशलता पूर्वक निर्वाह गर्ने भएकाले पनि होला सबैले रोज्नुहुन्छ ।
० टेलिभिजन कार्यक्रम र म्युजिक भिडियोमा भिन्नता के छ ?
म्युजिक भिडियोमा विशेषगरी कथानक निर्माण गरी कलाकारहरूबाट काम लिइन्छ । यसमा केही नाटकीयता, केही बनावटी र केही मानवीय समवेदनालाई समावेश गरी म्युजिक भिडियो निर्माण हुन्छ । दर्शकलाई बाँधेर राख्ने खालको अभिनय, भेषभूषा, लोकेशन आदिको प्रयोग गरिन्छ भने टेलिभिजन कार्यक्रममा वास्तविकताको नजिक भएर यथार्थवादी अवस्थालाई चित्रित गर्नुपर्ने हुन्छ । टेलिभिजन कार्यक्रममा प्रयोग हुने रिपोर्ट र वृत्तचित्रमा विषयको गम्भीरता र आवश्यकतालाई मिहिन ढंगले केलाउनु पर्दछ । दर्शकलाई सही सूचना दिन सक्नुपर्दछ अर्थात म्युजिक भिडियोले स्टार जन्माउँछ भने टेलिभिजन कार्यक्रमले वास्तविकताको खोजी गर्दछ ।
० संघर्ष कतिको गर्नु पर्यो ?
जीवन नै संघर्ष हो भन्ने राम्रोसंग बुझेको थिइन त्यो उमेरमा तैपनि काम सिकियो, गर्दै गइयो । राम्रो आम्दानी र क्रेज पनि बनाइयो । तर अहिले आएर बल्ल संघर्ष सुरु भएको छ । एकभन्दा अर्काे राम्रो काम गर्नु परेको छ । नयाँ नयाँ प्रविधिबारे अध्ययन, अनुसन्धान गर्नुपर्ने अवस्था छ । वास्तवममा भोकले मर्ने अवस्था नआए पनि आज पनि आफूलाई भिन्न परिचय दिलाउन संघर्ष गर्न परिरहेको छ ।
० तपाईंको विशेषता के के छन् ?
म कहिल्यै पनि कामलाई हल्का रूपमा लिन्न । काम चाहे सानो होस् या ठूलो । आफ्नो होस् या अरूको सबैलाई बराबर महत्व दिन्छु र अर्को कुरा मैले नबुझेको विषय स्पष्ट रूपमा नबुझ्दासम्म त्यो काममा हात हाल्दिन । म छलफल गर्छु टिमसंग, प्रविधिगत विषय भए अध्ययन अनुसन्धान खोज गर्ने गर्छु । तबमात्र म आफूलाई अघि सार्छु । यही नै मेरो प्रमुख विशेषता हो ।
० नव प्रवेशीहरूलाई के सन्देश दिन चाहनुहुन्छ ?
कुनै क्षेत्रमा प्रवेश गर्दा लहडको मारमा नजानुहोस् । आफ्नो रुचिको काम गर्दा मानिस भोको भएर पनि गुनासो गर्दैन । यसर्थ जुन क्षेत्रमा जाने सोच बनाउनु भएको छ त्यस विषयको अध्ययन, विश्लेषण गरेरमात्रै प्रवेश गर्ने काम गर्नुहोला । अर्थात प्रतिबद्धतापूर्ण प्रवेश गर्नुभयो भने निराश हुने दिन आउने छैन ।
० श्रव्यदृश्यको क्षेत्रमा रोजगारी सिर्जना गर्न सक्ने अवस्था कत्तिको छ ?
अहिले हाम्रो गीत संगीत क्षेत्र पनि विशाल भएको छ । थुप्रै टेलिभिजन सञ्चालनमा छन् । वृत्तचित्रहरू निर्माणको क्रम तीव्र छ । सर्ट फिल्मलगायत प्रचारप्रसार सामग्रीहरू थुप्रै निर्माण हुन थालेका छन् । चलचित्र निर्माण पनि व्यापक रूपमा हुँदै आएका छन् । यी लगायत थुप्रै प्रचार प्रसारात्मक सामग्रीहरू निर्माण हुँदै आएका कारण नेपालमा श्रव्यदृश्य क्षेत्रको बजार ठूलो छ । विज्ञता र अनुभव भएका सर्जकहरूको माग दिनप्रतिदिन बढ्दै गएको छ ।
० आफ्ना दर्शक तथा पाठकहरूलाई के भन्न चाहनुहुन्छ ?
संघर्षबाट खारिएको एउटा दिब्य सपना संगाल्ले मान्छे हुँ । मलाई र मेरो कामलाई माया गरिदिनुहोला । म आफूले जानेको, बुझेको र अनुभव गरेको काममा सतप्रतिशत योगदान दिने प्रतिबद्धता व्यक्त गर्दछु । यो क्षेत्रमा आउन चाहने नयाँ पुस्तालाई आवश्यक सल्लाह सुझाव र अवसर प्रदान गर्न कटिबद्ध रहने वचन दिलाउन चाहन्छु ।
० तपाईंको भावी योजना के के छन् ?
लक्ष्य र योजना मानिसका अनगिन्ती हुन्छन् । मेरा पनि छन् तर यो क्षेत्रभन्दा बाहिर जाने मानसिकतामा म छैन । मेरा केही योजनाहरू छन् । म निर्देशनतर्फ पनि आकर्षित छु । थुप्रै म्युजिक भिडियो निर्देशन गरेको छु । हाम्रो गाउँ ठाउँमा रहेका यथार्थवादी कथाहरूलाई खोजी केही साथीहरुको टिम मिलेर चलचित्र निर्माण गर्ने योजना छ ।
० तपाईको यो सफलता प्रति कसलाई श्रेय दिनु हुन्छ ?
मलाई सुरुवाती समयमा यो क्षेत्रमा लाग्न प्रेरणा र हौसला दिनु हुने कलाकार, निर्देशक तथा मिडियाकर्मी शेखर खनाल दाइ र यसै क्षेत्रमा निरन्तर लागि रहन प्रेरित गरिरहने मेरी जीवन संगिनी उमा पौडेललाई दिन चाहन्छु ।

18 Views

ताजा

सुदूरपश्चिमबाट मा‌ओवादी निल

२०७९ मंसिर ९ गते, शुक्रबार

सुदूरपश्चिमबाट मा‌ओवादी निल

२०७९ मंसिर ९ गते, शुक्रबार

प्रतिनिधिसभामा समानुपातिकतर्फ कुन दलको कति मत ?

२०७९ मंसिर ९ गते, शुक्रबार

गुल्मीबाट–१ बाट भण्डारीको ‘कमब्याक’

२०७९ मंसिर ९ गते, शुक्रबार

चितवन ३ मा विक्रम पाण्डे अघि बढ्दै

२०७९ मंसिर ९ गते, शुक्रबार

काभ्रे–२ मा गोकुल बाँस्कोटाको जित निश्चित

२०७९ मंसिर ९ गते, शुक्रबार

बाँके– ३ बाट कांग्रेसका किशोरसिंह राठौर भारी मतले विजयी

२०७९ मंसिर ८ गते, बिहीबार

स्वतन्त्र पार्टी राजावादी भएको खगेन्द्र संग्रोलाको आरोप

२०७९ मंसिर ८ गते, बिहीबार

दाङ–(२) बाट कांग्रेसका प्रचण्ड विक्रम न्यौपाने (गुन्टु)को ऐतिहासिक विजयी

२०७९ मंसिर ८ गते, बिहीबार

ललितपुर–३ बाट राष्ट्रिय स्वतन्त्र पार्टीकी तोसिमा कार्की विजयी

२०७९ मंसिर ८ गते, बिहीबार

बर्दिया–२ (क) मा कांग्रेसका जन्मजय तिमिल्सेना विजयी

२०७९ मंसिर ८ गते, बिहीबार

लोकप्रिय

भाईरल बरिशा, हिरोईन रश्मिकाले भेट्न आउने ईच्छा ब्यक्त गरेपछी….

२०७९ आश्विन ४ गते, मंगलवार

यी हुन् आमा-छोरा झट्ट हेर्दा दिदीभाइ जस्ता तर सँगै स्कुल ।

२०७९ आश्विन २ गते, आईतवार

भूमाफियाहरुको सातो खाएका काठमाडौँका मेयरले गरे अर्को कमालको काम….

२०७९ आश्विन २ गते, आईतवार

बालेन ले बाबुरामलाइ दिए मुखभरीको जवाफ भने हजारौंको घर भ,त्काएर फुटपाथ बनाउँदा सोच्न पर्थ्यो नि ।”

२०७९ आश्विन १ गते, शनिबार

गायिकामाथि जापानमा दोहोरी सञ्चालकले गरे दुर्व्यवहार 

२०७९ भाद्र २९ गते, बुधबार

नेकपा( एकीकृत समाजवादी )को निकट सहकारी संगठन समाजवादी सहकारी संगठन नेपाल घोषणा

२०७९ भाद्र २९ गते, बुधबार

हर्क साम्पाङ् भन्छन् : ७ सय ५३ पालिकामध्ये सबैभन्दा भाग्यमानी मै हो

२०७९ भाद्र १९ गते, आईतवार

लायन्स क्लब अफ काठमाण्डौ नयाबजार विभिन्न बिधामा सम्मान्नित

२०७९ श्रावण २१ गते, शनिबार

शिक्षकले कक्षाकोठामै काटिदिए विद्यार्थीकाे कपाल

२०७९ असार २८ गते, मंगलवार

2020 Copyrights Reserved at dnfkhabar.com

Designed & Developed By Web House Nepal