कांग्रेसभन्दा धेरै अघि बढ्यो एमाले

२०७८ कार्तिक ११ गते, बिहीबार

काठमाडौं । प्रमुख प्रतिपक्षी दल नेकपा (एमाले) को महाधिवेशनको प्रक्रिया अघि बढेको छ । एमालेको वडा अधिवेशन कार्तिक ६ गतेबाट सुरु भएको छ । ९ गते मंगलबार स्थानीय तहको अधिवेशन भएको छ । एमालेले महाधिवेशनलाई उत्साहपूर्वक बनाएको छ । एमालेको महाधिवेशनले मानिसमा एक प्रकारको जोश, जाँगर र उत्साह थपेको छ । पछिल्लो समयमा प्रधानमन्त्री केपी शर्मा ओलीले राजीनामा दिएपछि एमाले कमजोर भएको भनेर आलोचना गरिएको भए पनि महाधिवेशनको तयारी हेर्दा निकै परिवर्तन पाइएको छ ।
एमालेले मंसिर १० देखि १२ गतेसम्म १० औं महाधिवेशन गर्ने जनाइसकेको छ । एमालेको नयाँ नेतृत्वले देश र जनताको पक्षमा काम गर्ने जनाउँदै आएको छ । एमालेले आगामी दिनमा नयाँ नीति बनाएर जाने स्पष्ट पारिसकेको छ । एमालेको महाधिवेशनमा धेरैजसो ठाउँमा सर्वसम्मत नेतृत्व चयन भएको छ यसले पार्टीभित्र एकता भएको सन्देश दिएको छ । वडा र स्थानीय तहको अधिवेशनको एमालेका अध्यक्ष केपी शर्मा ओलीले एकैपटक उद्घाटन गरेका छन् । एमालेले असोज १५ गतेदेखि १७ गतेसम्म गरेको विधान महाधिवेशनले पार्टीलाई कस्तो बनाउने भन्ने विषयमा गम्भीर छलफल गरेको थियो । विधान महाधिवेशनमा एमाले पार्टीभित्र देखिएका विभिन्न कमी कमजोरीमाथि पनि छलफल गरी पार्टीलाई जनताको पक्षमा काम गर्ने गरी जाने निर्णय गरेको थियो । १० औं महाधिवेशनमा पनि ओली नै अध्यक्ष हुने भएकाले पनि एमाले थप सशक्त र गतिशील हुने निश्चित छ । ओलीप्रति जनताको अगाध आस्था रहेकाले पनि आगामी निर्वाचनमा एमालेले एक्लै बहुमत ल्याउने दाबी गरेको छ । हिजोको सरकारमा नेकपा (माओवादी) को सहभागिता भएकाले उसले सधैं सरकारलाई असहयोग गरेको स्पष्ट रुपमा बुझ्न सकिन्छ । ओलीले प्रधानमन्त्री देउवालाई जतिसक्दो छिटो संसदीय निर्वाचन गराउन दवाव दिइरहेका छन् । ओलीले प्रधानमन्त्री देउवा अत्तालिएर निर्वाचन गर्न नचाहेको आरोप लगाउँदै आएका छन् । महाधिवेशनले एमालेलाई बलियो बनाउँदै लगेको छ त्यसैले पनि एमालेले निर्वाचनमा बलियो उपस्थिति जनाउने पक्कापक्कीजस्तो भएको छ ।
नेपाली कांग्रेसभन्दा महाधिवेशनमा एमाले अघि बढेको छ । कांग्रेसले महाधिवेशनको मिति सार्दैसार्दै अहिले ढिलै भए पनि महाधिवेशन सुरु गरेको छ तर पार्टीमा देखिएको आन्तरिक गुटबन्दीले महाधिवेशन प्रभावित बनेको छ । कांग्रेसले भदौ १८ गतेबाट वडा (इकाइ) तहको महाधिवेशन सुरु गरेको भए पनि कहिलेसम्म केन्द्रीय महाधिवेशन सकिने भन्ने टुंगो छैन । महाधिवेशनमा भएका ठाउँमा पनि जताततै विवाद छ कतिपय ठाउँमा त फेरि अधिवेशन गर्नुपर्ने माग पनि हुँदै आएको छ । कांग्रेसले महाधिवेशनबाट आफूलाई सवल र सुदृढ पार्टी भनेर स्थापित गर्नुपर्नेमा झन् बढी द्धन्द्ध देखिएको छ । नेताहरुको आफ्नो स्वार्थको कारण महाधिवेशनको कार्यतालिका प्रभावित हुँदै आएको छ । महाधिवेशनमा आफूले सभापति जित्ने आधार नभएसम्म महाधिवेशन नगर्ने सोचमा सभापति शेरबहादुर देउवा लागिपरेका छन् । नेपाली कांग्रेसको कार्यसमितिको कार्यकाल ४ वर्षको रहेको छ । महाधिवेशन गर्न सम्भव नभए केन्द्रीय समितिको बैठकले १ वर्ष कार्यकाल थप्न सक्ने जनाएको छ । कांग्रेसको महाधिवेशन २०७२ फाल्गुणमा भएको थियो । संविधानले कुनै पनि पार्टीको महाधिवेशन साढे ५ वर्षभित्र हुनुपर्ने व्यवस्था गरेको छ । कांग्रेसको वैधानिकता भदौ २३ गते सकिएको छ । कांग्रेस सभापति देउवाले निर्वाचन आयोगमा आफ्ना प्रतिनिधि पठाएर पार्टीको वैधानिकताबारे छलफल गरेका थिए । आयोगले कोरोना संक्रमणलाई शून्य अवधि मानेर जान सकिने र ४ महिना म्याद थप्न सकिने पनि जनाएको छ ।

12 Views

ताजा

परासीमा मेगा बैंकको नयाँ शाखा

२०७८ मंसिर २० गते, सोमबार

परासीमा मेगा बैंकको नयाँ शाखा

२०७८ मंसिर २० गते, सोमबार

कांग्रेस सह–महामन्त्रीमा भीष्मराज आङ्देम्बेद्धारा उम्मेदवारी घोषणा

२०७८ मंसिर २० गते, सोमबार

आर्थिक एजेण्डामा समान दृष्टिकोण बनाउन सबै राजनैतिक दलहरुलाई ढकालको आग्रह

२०७८ मंसिर २० गते, सोमबार

नेपालमा पनि २ जनामा भेटियो ओमिक्रोन भेरियन्ट

२०७८ मंसिर २० गते, सोमबार

भारतमा एकैदिन १७ जनामा ओमिक्रोनको सङ्क्रमण पुष्टि

२०७८ मंसिर २० गते, सोमबार

ग्लोबल ग्रुप एण्ड कम्पनी सञ्चालनमा

२०७८ मंसिर १९ गते, आईतवार

राप्रपा महाधिवेशनः महामन्त्रीमा रेखा थापा पराजित

२०७८ मंसिर १९ गते, आईतवार

राप्रपा अध्यक्षमा राजेन्द्र लिङ्देन विजयी

२०७८ मंसिर १९ गते, आईतवार

ओलीको पार्टीलाई लाइट बालेर खोज्नुपर्ने बनाउँछौंः नेपाल

२०७८ मंसिर १८ गते, शनिबार

सरकारमा आउन एक वर्ष पनि पर्खनु पर्दैनः ओली

२०७८ मंसिर १८ गते, शनिबार

लोकप्रिय

२९ गते नेपाल बन्द हुँदै

पेट्रोलियम पदार्थको मूल्यवृद्धिविरुद्ध ३० गते नेपाल बन्द

२०७८ कार्तिक २६ गते, शुक्रबार

सुरजवीर बज्राचार्यको नयाँ गीत ‘हाकुमैंचा’ सार्वजनिक (गीतसहित)

२०७८ भाद्र ६ गते, आईतवार

जेफ बेजोसले आज अंतरिक्षको उडान भर्ने, यो यात्रामा के–के होला

२०७८ श्रावण ५ गते, मंगलवार

खुशीको खबर : ५० कित्ता पर्ने आइपियो निस्कासन हुदै, कहिले होला त निस्कासन ?

२०७८ असार २४ गते, बिहीबार

खुशीकाे खबर ! ३३ करोडको आईपीओ निष्कासन हुँदै, अब पैसा जम्मा गर्नुहाेस् ।

२०७८ असार २४ गते, बिहीबार

खुशीको खबर : ५० कित्ता पर्ने आइपियो निस्कासन हुदै, कहिले होला त निस्कासन ?

२०७८ असार २४ गते, बिहीबार

यूनियन लाइफ इन्स्योरेन्सको आईपीओमा कति पर्यो आवेदन ?

२०७८ असार २४ गते, बिहीबार

कहिले हुँदैछ मैलुङखोला जलविद्युतको आइपीओ निष्कासन ? जान्नुहोस

२०७८ असार २४ गते, बिहीबार

फेरि माछापुच्छ्रे बैंक लिमिटेडले सबैलाई पुग्निगरी ३० कित्ता असार ३१ गतेबाट निष्काशन

२०७८ असार २३ गते, बुधबार

2020 Copyrights Reserved at dnfkhabar.com

Designed & Developed By Web House Nepal