अस्थिरता ल्याउने ओली कि प्रचण्ड ?

२०७७ फाल्गुन २ गते, आईतवार

रमेशकुमार बोहोरा
काठमाडौं । नेपाल कम्युनिष्ट पार्टी (नेकपा) को आन्तरिक द्धन्द्धका कारण देश संकटमा परेको छ । पार्टीको स्वार्थका कारण अबको राजनीति के होला भन्ने अन्यौलता झन् बढ्दै गएको छ ।
प्रधानमन्त्री खड्गप्रसाद ओलीले आफूलाई पार्टीभित्रैबाट असहयोग भएकाले बाध्यात्मक अवस्थामा प्रतिनिधिसभा विघटन गरेको स्पष्ट पार्दै आएका छन् । पार्टीभित्रको समस्या मिलाउन नसक्दा लिएको अडान अस्वभाविक भएको र यसले देशलाई प्रतिगमनतिर धकेलेको भन्दै आलोचना भएको छ । ओलीले आफूसँग झण्डै दुई तिहाई बहुमत रहेकाले अर्को सरकार बन्ने कुनै सम्भावना नरहेको पनि भन्न छोडेका छैनन् । पार्टी भित्रैबाट अविश्वासको प्रस्ताव आउने भएपछि अत्तालिएर प्रतिनिधिसभा विघटन गरेका ओलीले आफ्नो कदमको बचाउ गर्न अनेक प्रयास गर्दै आए पनि जनतालाई चित्त बुझाउन भने सकेका छैनन् । ओलीले आगामी वैशाख १७ र २७ गते मध्यावधी निर्वाचन गर्ने घोषणा पनि गरेका छन् । निर्वाचनमा गएर ताजा जनादेश लिनु प्रतिगमन नभएको ओलीको तर्क छ । नेकपाको दाहाल–नेपाल पक्षले भनें सधैं निर्वाचन गरिरहनुले देशलाई ठूलो भार पर्ने भएकाले अहिलेको अवस्थामा निर्वाचन कल्पना पनि गर्न नसकिने बन्दै आएको छ ।
ओलीले सबै राजनीतिक दललाई निर्वाचनमा सहभागी हुन आग्रह गरिरहेका छन् । ओलीले घोषित मितिमा नै निर्वाचन हुने दाबी गर्दै आएका छन् । ओलीले निर्वाचन आयोग पनि तयारीमा लागिसकेको र सरकार पनि निर्वाचन गराउनमै केन्द्रित भइसकेकाले कुनै पनि कारणले निर्वाचन नरोकिने भन्दैछन् । नेकपाको दाहाल–नेपाल समूहले निर्वाचनबारे असहमति नजनाए पनि ओलीले संविधान मिचेर निर्वाचनको घोषणा गरेको र संविधानले नदिएको अधिकार प्रयोग गरी प्रतिनिधिसभा विघटन गरेकोमा असहमति जनाएको छ । ओलीले संविधानको रक्षा गर्नु आफ्नो कर्तव्य भएको र संविधानसम्मत ढंगले नै प्रतिनिधिसभा विघटन गरेको तर्क गरेका छन् । सरकार बन्ने विभिन्न विकल्प हुँदाहुँदै ओलीले कुनै पनि आधारमा अब सरकार बन्ने सम्भावना छैन भनेर लिएको अडान गलत भएको भन्दै जान्नेबुझ्नेहरु तर्क गर्दै आएका छन् । कानुनविद्हरुले पनि ओलीको कदम असंवैधानिक भएको र वर्तमान व्यवस्था समेत धरापमा पार्ने गरी चालिएको कदम फिर्ता लिएर देशलाई अस्थिरताबाट बचाउनुपर्ने सुझाव दिँदै आएका छन् ।
ओलीले यो अवस्था आउनुमा पार्टीका अर्का पक्षका नेता पुष्पकमल दाहाल ‘प्रचण्ड’ लाई दोष दिएका छन् । प्रचण्डले सरकारलाई आफ्नो तर्फबाट सक्दो सहयोग गरेको तर ओलीकै घमण्ड र बालहठका कारण यो अवस्था आएको प्रष्ट पारेका छन् । प्रचण्डले सरकार सञ्चालन आफू र आफ्नो पक्षले कहिल्यै पनि अवरोध नगरेको, ओलीको महत्वाकांक्षा र काम गर्ने शैलीको कारण यस प्रकारको संकट आएको भनेका छन् । ओलीले हरेक पाइला पाइलामा विपक्षीजस्तो गरी प्रचण्ड र उनी पक्षधरले असहयोग गरेकाले आफूले सोचेजस्तो सरकार सञ्चालन नभएको भनेर अरुलाई नै आरोप लगाएका छन् ।
पार्टी एकता भएको ३२ महिना पुगेको छ तर पनि तल्लो तहसम्म व्यवहारिक एकता हुन सकेको छैन । पार्टी एकता गरेर ओलीले र दाहालले मात्र आफ्नो स्वार्थ पूरा गर्न खोजेको समेत आरोप लगाइँदै आइएको छ । पार्टी एकता गरेको भनिए पनि हरेक क्षणमा देखिने भागवण्डा र विश्वासको कमीले पार्टी चरम संकटमा परेको छ । पार्टीको विवादले देशको राजनीतिलाई पनि पछिल्तिर धकेलेको छ । हिजो पार्टीमा सँगै रहँदा जसले जे गरे पनि चुँइक्क नबोल्ने उनीहरु अहिले आएर भने विगतका सानातिना कुरालाई पनि मुख्य मुद्या बनाउँदै शब्द प्रहारको खेतीमा उत्रिँदै आएका छन् ।

199 Views

ताजा

सांसद एकनाथ ढकालद्वारा कोरियाली मन्त्रिसंँग भेट

२०८१ बैशाख १२ गते, बुधबार

सांसद एकनाथ ढकालद्वारा कोरियाली मन्त्रिसंँग भेट

२०८१ बैशाख १२ गते, बुधबार

‘गणतन्त्र गौरव’ बाट पूर्वराष्ट्रपति भण्डारी सम्मानित

२०८१ बैशाख १० गते, सोमबार

कतारका राजाको नेपाल भ्रमणमा भोलि सार्वजनिक बिदा

२०८१ बैशाख १० गते, सोमबार

हामी र हाम्रो कृति समाजको संयुक्त मुक्तक संग्रह विमोचन

२०८१ बैशाख ५ गते, बुधबार

गायिका एलिनाले कसिन सापकोटासँग लगनगाँठो

२०८१ बैशाख ५ गते, बुधबार

छ छक्का प्रहार गरेर विश्व हल्लाएका दीपेन्द्रको आईसीसी वरीयतामा छलाङ

२०८१ बैशाख ५ गते, बुधबार

पुरुष र पुरुषत्वसम्बन्धी स्रोत केन्द्रको उद्घाटन

२०८१ बैशाख ५ गते, बुधबार

सुशासन र विकास पार्टीको ‘एजेण्डा’ हुनुपर्छः महामन्त्री थापा

२०८१ बैशाख ४ गते, मंगलवार

काठमाडौं विश्वको दोस्रो प्रदुषित शहर

२०८१ बैशाख ४ गते, मंगलवार

बबिना भट्टराईको गजल ‘चञ्चल’ सार्वजानिक (भिडियो सहित)

२०८१ बैशाख ४ गते, मंगलवार

लोकप्रिय

‘स्वीकार’ अटिजम सन्देशमुलक म्युजिक भिडियो सार्वजानिक

२०८० चैत्र २२ गते, बिहीबार

मेरो रहरले कलाकारिता क्षेत्रमा आएकी हुँ

२०८० मंसिर २९ गते, शुक्रबार

मनसुन लम्बियोः ‘धान नकाटौं, काटेको भए भित्र्याइहालौं’

२०८० आश्विन १५ गते, सोमबार

दलाल पूँजीपति वर्ग नै हाम्रो प्रमुख शत्रु हो

२०८० भाद्र २२ गते, शुक्रबार

शनिबार काठमाडौंका ५० भन्दा बढी ठाउँमा विद्युत् सेवा अवरुद्ध हुने

२०८० भाद्र १ गते, शुक्रबार

काठमाडौं महानगरपालिकाद्वारा खुल्ला दूध बेचबिखन, पानीपुरी, चटपटेमा रोक लगाउने तयारी

२०८० श्रावण २८ गते, आईतवार

राजकुमारको कृषि कथाः कर्म गर, सफलता पछिपछि आउँछ

२०८० असार २४ गते, आईतवार

१ लाख १ हजार १सय ११ रुपैया राशिको आदर्श पत्रकारिता पुरस्कार किशोर नेपाललाई

२०७९ चैत्र २४ गते, शुक्रबार

धनकुटा महोत्सवमा ३० जना घाइते

२०७९ माघ १५ गते, आईतवार

2020 Copyrights Reserved at dnfkhabar.com

Designed & Developed By Web House Nepal